Դանիել Ուոթս անունով բրիտանուհին մեծացրել է կուրծքը բարդույթներից ազատվելու համար և առողջական խնդիրներ ձեռք բերել։ Նրա պատմությունը հրապարակել է The Sun-ը։
32-ամյա Ուոթսը պատմել է, որ շատ է նիհարել, ինչի պատճառով կրծքերը կորցրել են իրենց ձևը: Կնոջ խոսքով՝ դրա պատճառով նա այնքան է ամաչել, որ կարողացել է մերկանալ միայն մթության մեջ տղամարդու առջև։ Իր բարդույթներից ազատվելու համար 2020 թվականին նա որոշել է պլաստիկ վիրահատության դիմել, որի համար վճարել է հինգ հազար ֆունտ ստերլինգ։
Վիրահատությունից հետո բրիտանուհին սկսել է առողջական խնդիրներ ունենալ․ նա անընդհատ մրսել է, նրան տանջելեն գլխացավերը, հոգնածությունը, քթի վարակներն ու ցաները։ Չորս տարվա ընթացքում նա այցելել է 20 բժշկի, բայց նրանք չեն կարողացել պարզել խնդիրների պատճառը։ «Երկու շաբաթը մեկ ես գրիպի նման ախտանիշներ էի ունենում, բայց չէի հիվանդանում։ Ինձնից երկար ժամանակ պահանջվեց սովորական մրսածությունից հետո ապաքինվելու համար։ Ես ականջներիս մեջ զնգոց ունեի և տեսողության հետ կապված խնդիրներ: Ես անընդհատ ուժի կորուստ էի զգում։ Իմ իմունային համակարգը ճնշված էր»,- խոստովանել է կինը։
Բժիշկներից չպարզելով իր առողջական խնդիրների պատճառը՝ Ուոթսը սկսել է համացանցում փնտրել նրա ախտանշանները և իմացել կրծքագեղձի իմպլանտների հիվանդության մասին։ Նա տեղեկացել է, որ այս հիվանդությունը, որը բժշկական հանրության մեջ պաշտոնական անվանում չունի, կարող է առաջացնել քրոնիկ հոգնածություն, շփոթություն, հիշողության կորուստ, մկանների և հոդերի ցավեր, մազաթափություն և մի շարք այլ բարդություններ: Կինն 9 հազար ֆունտ ստերլինգ է վճարել իմպլանտները հեռացնելու համար։ Դրանից հետո նրա վիճակը զգալիորեն բարելավվել է։