Վիրաբույժ Ռոստոմ Շվելիձեն մահացել է Վրաստանի արևմուտքի հիվանդանոցներից մեկում բարդ վիրահատություն կատարելիս։ Տեղի ունեցածի մասին հայտնում է Новости-Грузия-ն։Շվելիձեն փորձել է փրկել Զեստաֆոնի մունիցիպալիտետի Ցիպլավակե գյուղի երիտասարդ տղամարդու կյանքը. նա որսորդական հրացանից վիրավորվել է հարևանի հետ վիճաբանության ժամանակ:
Վիրահատությունը շարունակվել է ութ ժամ։«Վիրահատության ժամանակ նա վատացավ, բայց նա չդադարեց պայքարել երիտասարդ տղամարդու կյանքի համար։
Ռոստոմ Շվելիձեն մահացել է ծառայողական պարտականությունները կատարելիս»,- ասվում է «Ամեն ինչ բժշկության մասին» ֆեյսբուքյան էջում տարածած հաղորդագրության մեջ:
Գործընկերները ցավակցություն են հայտնում Շվելիձեի հարազատներին ու մտերիմներին։
Ըստ ԶԼՄ-ների՝ վիրավոր հիվանդին փրկել նույնպես չի հաջողվել։