Թուրքիայի Մալաթիա նահանգում 5,3 մագնիտուդ ուժգնությամբ (մոտ 6,5-7 բալ) երկրաշարժ է տեղի ունեցել։
Այս մասին տեղեկություն է տարածել Թուրքիայի կառավարությանն առընթեր բնական աղետների և արտակարգ իրավիճակների հետևանքների վերացման գործակալությունը (AFAD):
Մալաթիա նահանգում ուժեղ երկրաշարժի հետևանքով լքված շենք է փլուզվել։ Այս մասին հայտարարել է Էրսին Յազիչին նահանգի նահանգապետը։
Երկրաշարժի հետևանքով մի քանի մարդ վիրավորվել է, ասել է նա։ Այլ ավերածությունների կամ զոհերի մասին տեղեկություններ չկան։
Հաղորդվում է, որ երկրաշարժի աղբյուրը գտնվել է յոթ կիլոմետր խորության վրա։