Իսպանիայի չեմպիոն «Բարսելոնայի» իսպանացի գլխավոր մարզիչ Չավին հաստատել է, որ Ֆրանսիայի հավաքականի 26-ամյա հարձակվող Ուսման Դեմբելեն իր ղեկավարած թիմից կտեղափոխվի Ֆրանսիայի չեմպիոն ՊՍԺ։
«Դեմբելեն կհեռանա, նա առաջարկ ունի ՊՍԺ-ից։ Նա հստակ խնդրեց տեղափոխության մասին։ Մենք չենք կարող մրցակցել փարիզյան ակումբի հետ տրանսֆերային շուկայում։ Ես մի փոքր հիասթափված եմ»,- Լաս Վեգասում տեղի ունեցած ասուլիսում Չավին խոսքերը փոխանցում AS-ը։
Ավելի վաղ հայտնի էր դարձել, որ Ուսման Դեմբելեն իսպանացի Լուիս Էնրիկեի գլխավորած թիմի հետ կկնքի 5 տարվա պայմանագիր, տարեկան 16 միլիոն եվրո աշխատավարձով։Կատալոնական ակումբը 2017 թվականին Դորտմունդի «Բորուսիային» Դեմբելեի տրանսֆերի համար վճարել էր 105 միլիոն եվրո։
ՊՍԺ-ն «Բարսելոնային» կվճարի սահմանված հրաժարագինը՝ 50 միլիոն եվրո։
Transfermarkt-ը Դեմբելեի տրանսֆերային արժեքն այժմ գնահատում է 60 միլիոն եվրո։