Ուշադրություն Ֆրանսիայում, Հոլանդիայում և ԱՄՆ-ում բնակվող բոլոր հայերին

Ուշադրություն Ֆրանսիայում, Հոլանդիայում և ԱՄՆ-ում բնակվող բոլոր հայերին։ Տեղեկություններ, որոնք պետք է իմանք այդ երկրներում բնակվելու դեպքում։

Նիդեռլանդներ

Հայ-նիդերլանդական առնչությունների մասին առաջին հիշատակությունը վերաբերում է 4-րդ դարին, երբ Նիդերլանդներում հաստատվել է ծագումով հայ հոգևորական սուրբ Սերվանտիոսը (ըստ որոշ աղբյուրների՝ նրա անունը Սրբատիոս-Սերովբե է, իսկ հոլանդերեն նրան կոչում են նաև Սինտ Սերվաս)։ Լատինական աղբյուրների համաձայն՝ նա եղել է Նիդերլանդների առաջին եպիսկոպոսը և վախճանվել է 384թ-ին։ Նրա մասունքները ամփոփված են Մաաստրիխտի գլխավոր եկեղեցիներից մեկում՝ իր պատվին կառուցված Սենտ Սերվասկերկ բազիլիկայում։

Նիդերլանդների ներկայիս հայ համայնքը կազմավորվել է Երկրորդ համաշխարհային պատերազմից հետո։ 1948 թվականին մոտ 50 հայ ընտանիք գաղթել է Նիդերլանդներ Ինդոնեզիայից՝ Նիդերլանդների նախկին գաղութից։ 1956-ին բավական թվով հայ ընտանիքներ են եկել Հունաստանից, իսկ 1963-ին՝ Իրանից։ 1960 - 1970-ական թթ. Թուրքիայի տարբեր քաղաքներից շուրջ 400 հայ (թուրք բանվորների զանգվածային հոսքի հետ) տեղափոխվել են Նիդերլանդներ՝ աշխատանք գտնելու նպատակով։ 1960 70-ական թթ. Նիդերլանդներում հաստատվել է մոտ 800 հայ Դիարբեքիրից՝ հիմնականում Իրաքի հետ Թուրքիայի հարավարևելյան սահմանակից քրդական Շիրնակ գյուղից, Ցոզղատից։ 1970-80-ական թթ.Նիդերլանդների հայ համայնքը համալրվել է Իրանից, Իրաքից, Լիբանանից։ Խորհրդային միության փլուզումից հետո շեշտակիրոն աճել է Նիդերլանդներում հայերի քանակը՝ հիմնականում Հայաստանի և մի շարրք այլ խորհրդարյին հանրապետություններից ներգաղթի հաշվին։ Վերջին տարիներին՝ Իրաքից և Սիրիայից մի քանի հարյուր ընտանիք մշտական բնակություն է հաստատել Նիդերլանդներում։ Ներկայումս (2020) Ն-ում բնակվում է շուրջ 40000. հայ։ Նրանք կենտրոնացած են Ամստերդամում, Ալմելոյում, Ամերսֆորտում, Հաագայում, Լեյդենում, Դորդրեխտում, Ռոտերդամում, Ասենում, Նայմեխենում, Ուտրեխտում, Մաաստրիխտում և այլուր։