Նաիրի Հոխիկյանը իր ֆեյսբուքյան էջում տեղեկացնում է ՝
Կալանավորվել է երկրորդ բանակային կորպուսի նախկին հրամանատար Արայիկ Հարությունյանը։
Որպեսզի լավ պատկերացնեք, թե ինչի հետ է կապված այս կալանավորումը, պետք է հիշեք 2021թ. մայիսին թշնամու կողմից Գեղարքունիքի մարզի Կութ համայնքի ուղղությամբ հարձակումը, որից հետո հայկական զինված ուժերը շրջափակման մեջ վերցրին ադրբեջանական ջոկատն ու տևական ժամանակ թույլ չէին տալիս տեղաշարժվել կամ համալրում ստանալ։
2021թ. մայիսի 27-ին Կութ համայնք այցելեց Նիկոլ Փաշինյանը և հեռադիտակով նայեց դիրքերին։ Դա կա տեսագրված։
Երբ երկրորդ բանակային կորպուսի այն ժամանակվա հրամանատար Արայիկ Հարությունյանը առաջարկեց ժամերի ընթացքում ոչնչացնել թշնամու ջոկատը, Նիկոլ Փաշինյանը մեջքով շրջվեց դեպի տեսախցիկներն ու արագ ասաց' չէ, չէ, չէ, հանկարծ էդպիսի բան չանեք...
Դա ամեն դեպքում ուղիղ եթերում հնարավոր եղավ ֆիքսել և հասանելի դարձնել հանրությանը։
1.5 տարի առաջ երկրորդ բանակային կորպուսի այն ժամանակվա հրամանատար Արայիկ Հարությունյանը թշնամուն էական վնաս էր տվել։ Այսօր նա պատժվում է սպայական անգործունակության համար։