Արսեն Արամյանը իր ֆեյսբուքյան էջում գրառում է կատարել։ Մեր աջակցությունն ենք հայտնում Տաթևիկ Ռևազյանին, իսկ այս անձնավորությանը պետք է ձերբակալել, որ այդպես է արտահայտվել Տաթևիկի նկատմամբ։
Չենք ցանկանում ամբողջությամբ ցուցադրել, թե ինչ է ասել, քանի որ այդպես կնպաստենք խոսքի ատելությանը։
Հիշեցնենք, որ ՄԻՊ-ը նույնպես անդրադարձել է այդ հայտարարությանը։ Արման Թաթոյանը հետևյալ գրառումն է կատարել։
Հենց նոր տեսա Տաթևիկ Ռևազյանի և նրա նորածին դստեր հետ կապված ինչ որ մի անձի բացարձակ անընդունելի, հակամարդկային ու հակաիրավական գրառումը։
Այդ գրառումն ամբողջությամբ ատելության խոսք է, ամենախիստ դատապարտելի երևույթն է՝ մարդու, մայր դարձած կնոջ արժանապատվությունը բացարձակ ոնտահարող արտահայտություններով։ Բացարձակ դատապարտելի է առավել ևս նորածին երեխային ուղղված ատելությունը։
Նման երևույթները պետք է ի սպառ բացառվեն, արմատախիլ արվեն, իսկ այդպիսի անձինք պետք է ենթարկվեն պատասխանատվության խիստ միջոցների։
Սոցիալական ցանցերի օգտատերերին խնդրում եմ այդ անձի գրառումը որևէ կերպ չօգտագործել հրապարակումներում՝ ատելության խոսք չտարածելու և նրա անձը առավել չհանրայնացնելու համար։
Մարդու իրավունքների պաշտպանի իրավասության սահմաններում կձեռնարկվեն բոլոր միջոցները, հարցը կլինի իմ անմիջական ուշադրության ներքո։
Առավոտյան ձեռնարկված քայլերի մասին կտեղեկացնեմ լրացուցիչ։