Քրիստինե Արմենակյանը իր ֆեյսբուքյան էջում գրառում է կատարել։ Շատ զվարճալի դեպք է տեղի ունեցել։
Երեկ տղաս ղեկին ա լինում և անցակետն անցնելիս՝ ոստիկանին ցույց ա տալիս անձնագիրն ու տեղաշարժման թերթիկը, ու ոստիկանն առանց թղթին ուշադրություն դարձնելու՝ անսպասելի հարց ա տալիս:
Ասում ա՝ դու ֆեյսբուքում գրանցվա՞ծ ես, տղաս զարմացած պատասխանում ա, որ այո, գրանցված ա, ինչին ի պատասխան՝ ոստիկանը խնդրում ա մեքենան աջ քաշել ու կանգնել:
Տղաս էդպես էլ անում ա, բայց զարմանքը գնալով ավելանում ա: Մեկ էլ էս ոստիկանը մոտենում ա մեքենային ու տղայիս խնդրում ա բացել ինչ-որ վիդեո:
Տղաս բացում ա, տեսնում ա 5 տարեկան երեխա ա պարում, ծիծաղում ա: Ոստիկանն ասում ա՝ ախպեր ջան, աղջիկս ա, մրցույթի ա մասնակցում, խնդրում եմ լայքես, որ երեխեն հաղթի: ))
Տղաս ասում ա՝ ցերեկը ժամը 2-ի կողմերն էր, արդեն մոտ մի 400 լայք ուներ էդ վիդեոն, պապան, որ էս տեմպով աշխատի՝ իրիկվա կողմ երեխեն հաղթած կլինի: ))